Boazodoallu

Boazodoallu lea ealáhus maid sámit lea ovdánahtten máŋggaid čuđiid jagiid čađa, ja lea máŋga duhát jagi mearkkašan ollu ássamii ja ealáhussii Finnmárkkus. Dan oaidnit báktesárgumiin Álttás, mat leat sárgojuvvon áigodagas 4200 jagi ovdal Kristosa gita 500 jagi ovdal Kristosa. Otne gávdno boazodoallu duottar ja meahcceguovlluin Finnmárkkus, Romssas, Nordlánddas ja Davvi-Trøndelágas, ja maiddái muhtin guovlluin Lulli-Trøndelágas, Møre- og Romsdálas (Trollheimen) ja Hedmárkkus. 2006 loahpas ledje oktiibuot 82 boazodoalloorohaga, juohkásan 72 geasse ja birrajagiorohagaide ja 10 giđđa-/čakča- ja dálveorohagaide, muitala eanandoallo- ja biebmodepartemeantta.