Skuovvadeddjiid gonagas

Dáhpáhusat leat vuosttaš ja nuppi máilmmisoađi gaskkas. Jusup olle fatnasiin ruovttubáikái Ofoahtas. Lea vuosttaš mátki ruoktot maŋŋel go guokte jagi lea bargan lulde. Dakkaviđe go lávke fatnasis gáddái, čielgá ahte ii leat seamma Jusup gii dál olle ruoktot. Lea dievdu gii lea báhtaran máilmmis, gii dál olle fas ruovttugillái. Muhto Jusup ii gávnna ráfi maid lea ohcame, ii ruovttus ge iežas bearraša luhte. Girji lea ehpalaš diktagirji. Dáhpáhusat leat sámi gilažis Ofoahtas, guovtti máilmmisoađi gaskkas. Girji lea huksejuvvon europealaš myhta birra, agalaš juvddalačča birra, ja sirdá myhta váttisvuođa Jusupii. Jusup lea orron moadde jagi lulde, gos deaivvadii ja ráhkásmuvai Theai, gávpotnieida dan gávpogis gos Jusup barggai. Muhto Jusup ferte heaitalit Theain ja guođđit lullimáilmmi, ja dikta álgá ge go son máhccá fas ruoktot bearraša lusa maŋŋel go lea Thea guođđán. Girji lea čállojuvvon davvisámi márkosámi suopmanii, ja nammaduvvui 2007 Davviriikalaš Ráđi girjjálašvuođabálkkášupmái.