Verddežat

Dán girjjis leat 13 kapihttala, iešguđetge áššiid dahje fearániid birra. Girji heive sihke lohkangirjin mánáidgárdái ja astoáiggefálaldahkii, ja servodatfága oahpahussii dološ áiggi eallindili birra, verddestallama birra ja mánáid dili birra dolin ja dalá sohkabealrollaid birra. Muđui heive bures giellaoahpahussii lohkangirjin ohppiide geain lea sámegiella vuosttašgiellan. Girjji sáhttet maid oahppit geain lea sámegiella nubbingiellan gaskadásis lohkat man vuođul ohppet sámi eallima ja dili birra ovdalaš áiggi, ja maiddái ođđa sániid ja dadjanvugiid oahpahallamis.

Girjji sáhtát maid lohkat Nasjonalbibliotehka neahttasiiddus.