Mearragátti muitalusat

Muitalusat Islánddas, Davvi-Norggas, Sámis, Fearasulluin ja Ruonáeatnamis.

Mearragátti muitalusat girji sisttisdoallá máidnasiid ja muitalusaid mat leat gullon Sámis ja Davvi-Norggas, Islánddas, Ruonáeatnamis ja Fearasulluin. Muitalusat leat čohkkejuvvon árbevirolaš girjjálašvuođas, áigodagas 1850-1945. Sisdoaluid váldofáttát leat muitalusat mat leat muitaluvvon mearragáttiin ja dáhpáhusat leat mearragáttiin dahje meara nalde dáhpáhuvvan. Girjjis leat guhtta motiivajoavkku:

  • Sullot
  • Áhpenisu
  • Áhpegállis ja čáhcealbmáš
  • Mearraháldit   
  • Heađálaččaid veahkeheaddjit
  • Meara lottit, guolit ja eallit

Girjji sáhtát maid lohkat nasjonalbibliotehka neahttasiiddus.