Ijastallat
Ándde lea illudan beassat idjadit olbmás luhtte, ja viimmat beassá!

Ándde lea guhká háliidan idjadit olbmás Fredriga luhtte ja dál viimmat eadni suovvá. Ijastallanbeaivi manná hui njozet, go mánáin leat olu hommát ovdalgo lea nohkkanáigi. Idja goitge ii šaddan nu go lei vuordán. Lihkkus eadni ii leat nu guhkkin eret. Girjjis leat oanehis lohkanbihtát ja Anna-Clara Tidholm lea sárgon ivdnás govaid dán girjái.