Nástečalbmi

"Stjärnöga" máidnasa lea vuohččan čállán beakkán máinnasteaddji Zacharias Topelius, Lennart Frick lea ođđasis máinnastan "Stjärnöga" máidnasa, ja Máret Anna Allas lea jorgalan dan sámegillii. Máinnas lea nieiddaža birra gean váhnemat láhpiiga meahccái, ja maid bivdi gávnnai ja válddi alcces biebmonieidan. Nieiddažis báitet čalmmit dego násttážat ja sus leat eambbo dáiddut go earáin. Biebmoeadni ballá mánnásis ja lásse su geallárii, ja loahpas bivdá ránnjá-áhku doalvut nieiddas meahccái. Go biebmoáhčči boahtá ruoktot ja gullá mii lea dáhpáhuvván, de moaráska, go mánná han lei Ipmila buressivdnádussan sidjiide! Son vuolgá ohcat mánás, muhto dat ii gávdno gostege. Gosa son dat mánná šattai? Leat go don oaidnán ovttage mánás dieppe čalmmiid báitime? Soaitá leat din luhtte?