Guovssonásti

Dáiddamáinnas mánáide. Vuođđun muitalussii leat ealli sámi skábmamuitalusat ja árbevierut Ufuohta/Oarje-Romssa guovllus.

Dát máinnas botná ođđa skábmamuitalusa. Nu ođasmahttojit árbevierut. Girji muitala maid beaivváš ferte dahkat ovdal beassá vuolgit dálvevuoiŋŋastanbáikái Sámis. Guovssonásti ferte boktojuvvot ja gellojuvvot. Ja easka go visot lea dahkkon, beassá beaivváš luoitit vári duohkái, ja skábma sáhttá boahtit. Skábman lea Guovssonásttis okta dehálaš bargu – báitit beaivvážin násttiid gaskkas, muittuhit ahte beaivváš álo fas máhccá.