Gollegoalsi

Nieida guhte šattai gollegoalsin lea dološ sámi árbevirolaš álbmotmáinnas. Dat lea buori ja bahá birra, čuovgasa ja seavdnjadasa birra, albma ja vearri olbmuid birra. Dát mánáidgirji, mas leat stuora ivdnegovat, lea guovtti myhtalaš áhkoža birra, Njávešeatni ja Háhcešeatni birra. Soai leaba albmaolbmuid ja eartnjehas divrriid máttut. Váldopersovdna lea Njávešeatni nieida, ja su birra leage dát muitalusgirji huksejuvvon.

Girji gávdno maid lulli-, julev-, anáraš- ja dárogillii. 

Girjji sáhtát maid lohkat digitálagirjin Nasjonalbibliotehka neahttasiiddus.