#giellaspáiddar 2

#giellaspáiddar 2 lea oahpponeavvu joatkkaskuvlla 2. jagi ohppiide geain lea davvisámegiella vuosttašgiellan ja čuovvu sámegiella vuosttašgiellan oahppoplána bajitosiid ja jo2 studerenráhkkanahtti oahppoprográmma gealbomihttomeriid.
#giellaspáiddar 2:žis leat 9 kapihttala fágasisdoaluin, ovdamearkateavsttaiguin ja máŋggabealat hárjehusaiguin mat ovddidit ohppiid giellamáhtu ja ovdanbuktingálggaid sihke čálalaččat, njálmmálaččat ja digitálalaččat. Čiekŋalisoahppan, kritihkalaš áddejupmi ja giellagáhtten fuolahuvvojit girjjis. 10. kapihttal lea teakstačoakkáldat válljenmuniin kapihttaliid fáttáide.