Dihkkegirjjáš

Mánáidgirji ja diehtojuohkingirji dihkiid birra. 

Dihkká ja Sikká ja sudno bearraša fearániid bokte beassat suohtas vugiin oahpásnuvvat dihkiid árgabeaivái ja sin hástalusaide. Muitalus heive bures mánáide mánáidgárdeagi rájes bajás. Muitalussii leat vuohkkasit čadnon sihke faktadieđut ja myhtat. Diehtojuohkinoassi lea oaivvilduvvon rávisolbmuide, gos čilgejuvvo movt dikšu ja eastada, gos oažžu veahki ja geasa galgá dieđidhit jus oažžu dihkiid.

Girjji sáhttet dearvvašvuođabargit, apotehkat, mánáidgárddit, skuvllat, eará ásahusat ja ruovttut atnit.