Ima hutkosat

Inger-Mari Aikio-Arianaick lea čállán lávlagiid ja Miro Mantere lea heivehan ja buvttadan daid. Lávlagat muitalit moaráskan dápmohis, dávvirváris mii hávkada ja dihtorgopmis mii falleha. Fáddán leat maid ee. buoidda, fievrrut, luottat ja gápmagat.

Ima ovddit CD Ima ipmašat, mas lávlot sámi beakkánat, ee. Mari Boine, Niko Valkeapää, Sofia Jannok ja Kai Somby, leamašan hui bivnnut mánáid gaskkas.