Šattut Guoládaga sámiid eallimis

Dát lea fáddágirji das mo Guoládaga sámit leat árbevirolaččat geavahan ja ain geavahit šattuid biebmun, dálkkasin dahje eará láhkai.

Girjjis muitaluvvo mo sámit geavahedje sihke murjjiid, muoraid, liđiid, sámmáliid ja jeahkáliid iešguđet dárbbuide. Girječálli lea čohkken dieđuid sihke njálmmálaš ja čálalaš gálduin.

Dát girji almmuha dehálaš oasi ruoššabeal sámiid árbevirolaš máhtus.