Sámi skuvlahistorjá 1

Dát lea Sámi skuvlahistorjá-ráiddu vuosttaš girji.

Girjjit galget muitalit skuvlaárgabeaivvi birra Sámis, nugo oahppit, oahpaheaddjit, internáhttabargit ja váhnemat leat vásihan dan. Dás bohtet maiddái dokumeanttat ja artihkkalat mat čájehit norgga stáhta skuvlapolitihka váikkuhusaid ja makkár rahčamuš lea leamaš ovddidit skuvlla mas lea sámi giella ja kultuvra vuođđun. Dán girjjis leat artihkalat dáruiduhttinpolitihka ja girku rolla birra, ja muittut Sámi álbmotallaskuvllas, Sámi Oahpahusráđis ja vuođđoskuvllain Árbortes, Skániin, Gáivuonas, Návuonas, Álttás, Muosáin, Guovdageainnus, Kárášjogas, Porsáŋggus ja Deanus.