Okto

Sámi nuoraidromána mas lohkkit oahpásnuvvet Mihkkaliin ja eará nuoraiguin ovtta meahccebáikkis Guovdageainnus. Románas boahtá čielgasit ovdan movt eallin rievdá olbmo eallinagis go čuvvut njealje buolvva Mihkkala. Dán románas lohkat dan birra mii nuoraide lei ja lea ain dehálaš, namalassii ráhkisvuohta. Čiekŋalis gažaldagat eallima ja jápmima, oskku ja árvvuid, muhto eanemusat ráhkisvuođa birra, leat guovddáš áššit dán románas, mii lea jurddahuvvon nuoraid- ja joatkkaskuvlii.

Girjji sáhtát maid lohkat Nasjonalbibliotehka neahttasiiddus.