In hálit vuos nohkkat!

Mánáidgirji nohkkama birra.

Lásse ii hálit nohkkat ja juohke eahkeda lea juoga maid beare ferte dahkat ovdalgo manná nohkkat. Eatnis lea oalle lossa hommá oažžut Lásse seŋgii. Lásse bearraša bajábealde orru okta boares áhkku. Son fállá Lássii iežas čalbmelásiid geahččalit. Lásse oaidná olu ipmašiid dieid lásiid čađa. Son oaidná guovžabearraša, njoammelčivggažiid, oarrejoavkku ja eará elliid meahcis geat buohkat ráhkkanit nohkkat. Dál gal áigu Lásse maid hirpmáhuhttit eatni. Girji gávdno maid lullisámegillii.