Guovžža gazza ja Guovssahasa lávlla

Guovžža gazza ja Guovssahasa lávlla lea lohkangirji mánáide mas leat stuora tevdnejuvvon govat. Nubbi lea olbmá birra guhte šattai guovžan, ja maid su bártnit gottiiga ja njuovaiga, ovdal go ipmirdeigga ahte dat lei sudno áhčči. Nubbi muitalus lea maid ovtta olbmá birra, muhto son lea hui bahás olmmoš, guhte deaivá meahcis nástenieidda. Nástenieida čájehii sutnje geainnu násttiide ja son šattai áibbas eará olmmožin. Dán girjái lea Lilian Urheim sárgon govaid.