Gámagoarrun

Dát ođasmáhttojuvvon girji gámagoarruma birra, lea gámagoarruma birra dan rájes go julggiid njuovvá dasságo gáma lea válmmas. Girjiis čilgejuvvo gámasdikšun, meaidin, vadjan ja gámagoarrun dárkilit. Girjjis leat olu govat ja maid minstarat man mielde vadjá gápmagiid. Suonaid, sudnema, sárrama ja botnima birra maid čilgejuvvo dárkilit. Loahpageahčen girjji leat sátnečilgehusat.

Girji gávdno maid digitálagirjin Nasjonalbibliotehka neahttasiidduin.