Den sista rajden

Girji ruoŧagillii ovdalaš áiggi birra Ruoŧa bealde sámis.

Den sista rajden - samer berättar om livet förr lea ruoŧagillii čállojuvvon girji sámiid ja erenoamážit boazosápmelaččaid birra ovdalaš áiggi. Girječállái leat boares olbmot muitaladdan fearániid, mánnáoažžuma birra jođidettiin, skuvlavázzima birra, biigoma ja reŋgoma birra ja olu lea maid johtima, orruma ja bohčima birra ja muđui buot mii boazobargui gullá. Girjjis lea smávva fearánat ja muitalusa árgabeaieallimis. Girjjis lea oalle olu dološ govat.