Boranoaiddi Gollebánit

Boranoaiddi Gollebánit lea ođđa nuoraidromána davvisámegilli mii lea golbma luntta birra geat gávdnet sieiddi. Sii dihtet bures buohkat ahte ii das ábut váldit maide, muhto Juha goitge ii máša ja bostohallá sakka, ja Petter ja Máhtte niegadišgoahtiba seammahat nieguid. Sii fertejit gávnnahit movt sii galget garvit sieiddi noaidevuođa ja nu sii sirdásit eará dimenšuvdnii. Sii fertejit atnit dán áigásaš reaidduid ja čovdosiid čoavdit bárttiid maidda leat daguhan iežaset. Gelddolaš sisdoallu, oanehis kapihttalat ja gehppes giella dahká girjji geahpasin lohkat.