Mii Davviriikkain

Oahpporáidu báikkiid birra Norggas ja Ruoŧas. Prográmmat leat olbmuid, luonddu ja báikegottiid birra.
  1. Gávpogaččat Smålánddas: Fiskesjø, Johansfors ja Åfors leat vuovdeguovllus Emmaboda gielddas Smålánddas. Ain leat báhcán lásefitnodagat guvlui, ja dán golmma giláža olbmot jođihit dáid smávva fitnodagaid ja buvddaid, seailluhan dihtii dan moadde bargosaji mat gávdnojit.
  2. Vadstena: Vadstenas ásset 5700 olbmo. Gávpot lea Ruoŧa nubbin stuorimus jávrri Vattern lahka, gos lea stuorra juhkančáhcerusttet. Gávpoga nuorttabealde álgá Østgøtaguolba, okta Ruoŧa stuorimus ja šattoleamos eanadoalloguovlluin. Birgitta-kloasttar Vadstenas ásahuvvui juo 1300-logus, ja šattai áigá juo dehálaš mátkebáikin bassivádjoleddjiide.
  3. Falun: Falun, gos ásset 55 000 olbmo lea guovddáš Dalarnes. Badjel 700 jagi dás ovdal álggahuvvui veaikeruvki mii galggai mearkkašit ollu Ruŧŧii máŋggaid jahkečuđiid. Moadde jagi dassái heaittihuvvui ruvki. Das lei ain stuorra mearkkašupmi Falunii. Odne lea dat oainnát okta Ruoŧa stuorimus turistabáikkiin. Falun lea stuorra kultur-, mediadoaibma-, industriija- ja valáštallangávpot.
Del
Almmuhuvvon: 29.11.2012
Rievdaduvvon: 15.03.2021