Book Creatoriin lea álki ráhkadit girjjážiid. Dás oahppá vahku birra.
Oahppi sáhttá dáinna girjjiin ruovttus hárjehallat jienaid ja teavstta bokte jearrat, vástidit ja lávlut vahku birra. Girjjáža sáhttá leahkkut telefonain, dihtoriin dahje iPadain. Go oahppi boahtá skuvlii, de beassá geavahit dan maid lea oahppan ("jorggut luohkkálatnja"). Heive nubbin giellan oahpahussii. Gáiddusoahpahussii maid heive.
Book Creatoriin lea hui álki ráhkadit girjjážiid. Mu mielas lea diet chrome-veršuvdna buoret go áppa: https://app.bookcreator.com/books Jiena ja filmma sáhttá dihtoriin/ iPadain báddet, álki viežžat CC-govaid. Oahppitge sáhttet iežaset girjjiid ráhkadit. Oahpaheaddji sáhttá daid bovdet iežas girjerádjui, gos oahppit sáhttet juohkit girjjiid. 40 girjji oažžu nuvttá ráhkadit.
Dás sáhttá Statped pedagogalaš rávvagiid lohkat: http://www.statped.no/fagomrader-og-laringsressurser/finn-laringsressurs/sprak-og-tale/book-creator/