Vuosttaš luossa giđđat

Golgadeapmi lea sámi árbevirolaš bargu. Dan vuosttaš prográmmas oaidnit mii movt Deanus bivdet luosaid dáinna boares bivdinvugiin. Mii beassat oaidnit maid movt bassit guoli dolas ja man somá giđđat lea go vuosttaš luosa vulget bivdit. Fierbmečiktin gullá maid dán bargui.

Nuppi prográmmas čuovvut mii njeallje olbmážaga go sii luosaid bivdet Kárášjogas. Mátki álgá Šuorpmus, ja sii eai loahpat bivddu ovdal sii Ásebáktái ollejit.