Muohtasánit - Sámi báikenamat ja kárttat

Sámegielas leat hui olu muohtasánit. Vuosttaš prográmmas oahppásnuvvat dasa movt sáhttá muohttaga birra čilget ja makkár sánit gávdnojit iešguđetlágan muohttagii. Muhtin muohtasánit maidda oahpásnuvvat; čiegar, seaŋáš, vahcca, čearga, suovdnji, doajádat, cuoŋu, joavggahat, oppas, skálvi, gassamuohta.

Nuppi prográmmas oaidnit ja gullat movt Hans Ragnar Mathisen čohkke sámi báikenamaid ja ráhkada kárttaid. Báikenammačohkkemis son jearahallá vuoras olbmuid ja kártaráhkadeamis fas beassá geavahit su dáiddalaš attáldagaid.