Duddjot, neaktit, njálmmálaš giella

Dás lea somás njálmmálaš bargu vai oahppit šaddet geardduhit cealkagiid ja sániid njálmmálaččat.

Buorre beaivvi! Mun orun mearas. Gos don orut?

Vuos duddjot dahje báhpáris máhcastit (origamiija) muhtun “heakkalačča”, omd. guoli, bussá dahje háldi iežas miela mielde. Oahpaheaddji geavaha dehálaš sániid čilgedettiin.

Dasto smihttet oahppit joavkkus dahje juohkehaš okto mo ealáskahttit dan maid lea duddjon/ ráhkadan ja maid dát heakkalaš sáhtášii dadjat dahje muitalit.

Jos ii máhte giela nu bures, de dat sáhttá presenteret iežas, omd. ná: “Buorre beaivvi! Mun lean guolli. Mu namma lea Gáddjá. Mun orun mearas. Mus lea ruoná beahcet ja bastilis bánit. Oaidnaleapmái! “

Oahpaheaddji sáhttá modeleret távvalis ovddalgihtii, omd: Buorre beaivvi!

Mun lean ________.

Mu namma lea__________

jna.

Oahppit, mat buorebut dahje bures hálddašit sámegiela, sáhttet omd. muitalit vitssa dahje muitalusa iežaset dási mielde.

Dasto hárjehallat dadjat dan maid áigu. Dasto neaktit luohká ovddas dahje ráhkadit unna filmmaža.

Oahpaheaddji dieđusge veahkeha oahppiid ja ovttas sáhttet ráhkadit árvvoštallaneavttuid, omd. maid galggašii dadjat, mo dan dadjat ja mo galggašii ovdanbuktit. Maŋŋá fas ovttas árvvoštallat ovdanbuktima ja maiddái háleštit das maid lea duddjon/ ráhkadan.

Mun lean dás ožžon inspirašuvnna: