Delt av
Davvi Statped
Språk
Emner
Gielalaš diđolašvuođaiskan
Dát iskan galgá leat veahkkin oahpaheaddjái fuobmát daid mánáid geain leat dakkár gielalaš váttisvuođat mat sáhttet váikkuhit lohkamii ja čállimii.
Davvi Statped / Sámi earenomáš pedagogalaš doarjja (SEAD) lea ođasmahttán Gielalaš diđolašvuođaiskan davvisámegillii. Gielalaš diđolašvuođa iskan lea veahkkeneavvu mainna sáhttá kártet mánáid vuosttas luohkás vai eastada vejolaš váttuid ovdal go dat háhppehit šaddat váttisvuohtan, ja maid buoridit lohkan- ja čállindáiddu oppalohkái. Gielalaš diđolašvuođa iskamii gávdno maiddái Giehtagirji - dieđut ja čilgehusat. Iskosa sisdoallu:
- riimmat
- oanehis ja guhkes sánit
- lohkat sániid cealkagiin
- oanehisáiggemuitu
- jietnadatipmárdus
- goallossánit
- giellaoahppa ja cealkkahuksehus
Prošeaktajoavkkus leat leamaš mielde Lisa Baal, Tor Persen ja Kirsten Wirkola Davvi Statped / SEAD ja Sámediggi ja Davvi Statped leat ruhtadan prošeavtta.