Lohkanfiellu ja lohkanvejolašvuođat

Ođđamállet rustegiiguin bohtet maid ođđa vejolašvuođat ja hástalusat sámegielaide.

Borgemánus lohken Altapostenis ”Lesebrett kan motivere gutter til å lese”, ja lei gelddolaš lohkan. Ođđamallet rustegiiguin bohtet maid ođđa vejolašvuođat ja hástalusat sámegielaide. Mun lean geahččan guđelagan App:at gávdnojit ja gávdnojit go sámegielaide. 

Mii lea App? 

Applikašuvdnaprogrammat (eŋgelasgielas application, «geavaheapmi/anvendelse»), davja gohččoduvvon applikašuvdnan, lea programma maid dihtormášiinna ressurssat atnet bargui maid geavaheaddji sávvá doaimmahit.

Áidna maid gávdnen leat NRK Sámi ođđasat sihke radio ja tv app:a. Ja gávdno maid åarjelsámegilli “Pekbok” mas sihke daddjo ja čállojuvvo sátni åarjelsámegillii. Dat lea jurddahuvvon unnimus mánáide ja heive gal dieđusge giellaoahpahalliide maid.

Dan jagis go mus lea leamaš Iphone, lean oaidnán man viššal mu siessal lea leamaš fievrredit spealuid ja lohkamušaid Iphonii, omd “Alle barna vitser”. Lean vásihan ahte de čoahkkanit bártnážat ja lohkagohtet vitsaid jitnosit nubbi nubbái. Dakkár vitsat leat hui vuohkasat lohkanhárjehallamii go leat oanehaččat ja dávjá deivet bártnažiid, vaikko lohket dárogillii de eai soaitte álot ipmirdit mii lea oaivil vitsain, muhto de ovttas gávnnahit oaivila.

Mun čuovvolan čuoččuhusa ahte sihke iphone, ipod ja ipad leat ávkkálaččat lohkanhárjehallamii, ja dat reaiddut šaddet maid miidjiide sápmelaččaide árgabeaivvalaš reaidun. Muhto stuorimus hástalus lea dieđusge ahte máhttet go dat namuhuvvon reaiddut sámegielbustávaid. Ja oidnet go buvttadeaddjit ávkkalažžan ahte sámegillii gávdnojit somas gielladoaimmat maid sáhttá bargat vaikko gos. Ja nu go dutkamat čájehit de beroštit bártnážat eambbo teknologiireaidduin, ja dakkobokte hástalit dakkár reaiddut sin lohkama maid.

Davviriikkalaš gielaide ja eará gielaide gávdnojit vaikko man olu app:at álgolohkan hárjehallamii – bustávva ja jietnadat čanastagat, sánit ja lohkamušat. Ja dasa lassin gávdnojit app:at maid sáhttá atnit eará skuvlafágáin. Sámegielagiidda maid galggášii dat vejolašvuohta, muhto gii mis váldá ovddasvástádusa ja ráhkadišgoahtá app:aid sámegielagiidda. Earenoamašpedagogan oainnán maid olu vejolašvuođaid daiguin iešguđet app:aiguin heivehit oahpahusa ja hástalit mánáid ja ohppiid geain leat giellaváttisvuođat.

Oahpahussii App:at

Dás čájehan guđelagan app:at sáhttet adnot oahpahusas ja seammas sáváldatlisttu mat galggáše gávdnot sámegielaide. App:at main ii leat giella namuhuvvon leat dárogillii. Daid gávnnat iTunes Appstore:s (Erenoamášoahpahus, earenoamášpedagogihkka)

 

  • Pekbok – Åarjelsámegillii
  • Abc spill
  • AbcdNorsk
  • Alle barna vitser
  • Ballongsirkus HD
  • Bibelord
  • Bible+ engelsk
  • Dagens dikt
  • Den lille lesehesten
  • Dunderly
  • English Vocab builder for Norwegian
  • English word finder
  • Find word
  • Flagg
  • H.C Andersen Eventyr
  • Hangman
  • Happi leser – et lær å lese spill for barn by Happi Papi
  • iCan Read – engelsk – spansk og norsk
  • Kidzofon Norsk
  • Knæk Læsekoden – dansk
  • lesNovelle
  • Lingoloons – svensk og engelsk
  • Lydlotto
  • Mat på Engelska – fräscha upp din Engelska inför resan! – svensk
  • Minnespillet
  • Norsk hangman
  • Norske rebuser
  • Norske vitser
  • Ord
  • Ord Express – svensk
  • Ordbiten – svensk
  • Ordhjulet – dansk
  • ORD-provet voksne – svensk
  • Ordspillet
  • Ordspråk
  • Read n talk
  • Rim og regler
  • Sitater
  • Sjiraffen Samuel
  • Spelling practice
  • Substantiv – svensk
  • Tegnordbok
  • TextBlock – engelsk og svensk
  • Truede ord – dansk
  • Trygg Trafikk
  • Vitser
  • Word Wheel – the game – engelsk
  • WordWise – Gissa ordet (om du kan) – svensk og engelsk