Sámevávvát

Ulbmil lea ahte mánát stoahkama bokte oahpásmuvvet daid erenoamáš sámegiel bustávaide nu árrat go vejolaš. Vávváin leat namat mas sámegiel erenoamáš bustávat gullojit čielgasit. Vávváide leat ráhkaduvvon stuorra seaidnegovat mas lea vávvágovva ja namma. Leat maiddái ráhkaduvvon koarttat main leat vávvágovat ja vel nammakoarttat. Vávváid čuovvu maid girjjáš gos lea evttohuvvon mo sáhtášii stoahkamiin bargat nu ahte mánát somás vuogi mielde stohket sámi bustávaiguin árrat go skuvlii álget ja darvvihit daid muitui. Dáid buktagiid sáhttá geahččat Sámedikki oahpponevvohagas.

(Erenoamášoahpahus, earenoamášpedagogihkka)