Muitalus sámiid birra

Johan Thuri girji almmuhuvvon ođđasit ávvugirjin.

Girji almmuhuvvui ođđasit dan dihte go lea čuođi jagi vássan dan rájes go girji vuosttaš geardde almmuhuvvui, ja gudnejahttin dihte Johan Thuri. Girjjis leat čilgehusat ovddeš sámi diliid birra. Girjjis leat Johan Thuri sárgumat, mat leat lassidiehtun čállosii. Girjái lea maid ráhkaduvvon gullevaš jietnagirji.

Girjji sáhtát maid lohkat nasjonalbibliotehka neahttasiiddus.