Min mors hemmelighet

Filbmadahkki Ellen-Astri Lundby Lambertseteris Oslos ii gullan goassige iežas sámi bearraša birra bajásšattadettiin. Áidna maid diđii, lei ahte su eatni lei Davvi-Norggas eret, ja fárrii máttás maŋŋá soađi. "Min mors hemmelighet" (Eatnán čiegusvuohta) lea erenomáš mátkkošteapmi áiggis ja lagaš historjjás. Filbma lea gávdnosa birra, iežas identitehta gávdnama birra, garra stáhtalaš dáruiduhttinpolitihka birra, ja heahpada ja jávoheami birra. Seammás addo vejolašvuohta ovddešáigái ja dálááigái, ja maiddái eadnái ja niidii, soabadit. Filbma oaččui sámi filbmabálkkašumi 2009:s ja lea čájehuvvon sihke Norggas ja olgoriikkas, ja lea ožžon máŋga bálkkašumi.