TOSP- guovtegielakvuoda gæhttjalibme

TOSP- gæhttjalime ulmme l árvustallat oahppij máhtudagájt gålmmå sierra suorgijn mij gielalasj ja kognitijvalasj åvddånibmáj gullu: moallánagá/báhkodádjadus, báhkoboanndudahka ja låhkåmtjehpudahka.

Guoradallamnævoj baktu galggá skåvllå ja åhpadiddje tjielggasap diedov ja máhtudagáv oadtjot fágalattjat árvustallat oahppe åvddånahttemav, ja viehkken liehket dåbmarap gárvedibmáj ja åhpadusá hiebadibmáj ájnegasj oahppijda.

TOSP- gæhttjalibme boahtá dávk ávkken åhpadiddjijda ielvvet åvddånimev oahppe guovte gielan mij åvddånahttá “ålles verbálalasj repertoárav”. Dan sadjáj gå gehtjadit guovte sierra giellasystebman. 

TOSP máhttá adnet 4 láhkáj. Dan baktu máhttá oahppe dominanta gielav guoradallat ja åhpadusáv hiebadit ájnegasj oahppijda. Gæhttjalimev máhttá viehkken adnet gå árvustallá jus sivva oahppe fágalasj gássjelisvuodajda la gænodis moallának- jali báhkodádjadus, jali vánes báhkoboanndudahka dárogielan. Oahppe gudi binná tjuorgajt oadtju sihke iednegiellagæhttjalimen ja dárogielgæhttjalimen dárbahi dábálattjat moallának- ja dádjadusåhpadusáv. Oahppe gudi buoragit ietjasa dominanta gielajn rijbadi, valla nievret nuppát gielajn, dárbahi åvddånahttet báhkoboanndudagása nuppát gielan.

TOSP- gæhttjalibme l nåvkå skåvlåjda vattedum ævtoj milta. Duola degu gæhttjalime juogadibme. Gæhttjalimev máhttá rávvit: Sáme låhkåmguovdásj Sáme Allaskåvllå, Hánnoluohkká 45, N-9520 Guovdageaidnu, jali e- påsta baktu: lohkanguovddas@samiskhs.no