TOSP- guektiengïelevoetepryövenasse

TOSP- guektiengïelevoetepryövenasse åarjelsaemien, julevsaemien jih noehrtesaemien gïelesne

Vienhteme TOSP-pryövenasse edtja viehkiedirreginie årrodh juktie learohki maehtelesvoeth vuarjasjidh golme suerkine dej gïelen jïh kognitijve evtiedimmesne: lahtesegoerkese, baakoeveahka jïh lohkememaahtoe.

Goerehtallemematerijelle edtja vihtiesåbpoe våaromh vedtedh akten faageles vuarjasjæmman learohken evtiedimmeste skuvlese jïh lohkehtæjjide, jïh sæjhta viehkiehtidh guktie soejkesjimmie jïh sjïehteladteme dehtie aktegs-learohki lïerehtimmeste buerebe sjædta.

Akte aevhkie TOSP’pryövenassine lea hævvi vienhth dïhte sæjhta viehkiehtidh guktie aelhkebe sjædta lohkehtæjjide evtiedimmiem vuejnedh learohki göökte gïelijste, goh evtiedimmie aktede "ellies verbale repertoareste". Daate sijjeste dejtie goh göökte joekehts gïelevuekieh vuejnedh.

TOSP maahta åtnasovvedh 4 ovmessie vuekine. Dam maahta gaskem jeatjebem nåhtadidh edtja learohki dominante gïelem goerehtalledh, gosse edtja lïerehtimmiem sjïehteladtedh aktegs-learohkidie.

Pryövenassem maahta aaj goh dirregem nåhtadidh edtja vuarjasjidh mejtie learohki faageles dåeriesmoerh leah akten sïejhme hiejjies lahteseabparaten gaavhtan, jallh dan åvteste learohke baakojde nöörjengïelesne fååtese. Learohkh mah nåakelaakan darjoeh ietniengïelepryövenassesne jïh nöörjengielepryövenassesne, sïjhtieh gujht lahteselïerehtimmiem daarpesjidh. Learohkh mah hijvenlaakan bearkadieh sijjen dominante gïelesne, bene nåakebe mubpiengïelesne, sïjhtieh daarpesjidh sov baakoeveahkam daennie gïelesne vijriebasse evtiedidh.

 

TOSP-pryövenasse namhtah dejtie mah åarjelsaemien soptsestieh akti veajkoej. Dïhte gaskem jeatjebem deellemen bïjre pryövenasseste. Pryövenassem maahta dongkedh daestie, Saemien lohkemejarnge /Senter for samisk i opplæringa, Hánnoluohkká 45, N-9520 Kautokeinoe, jallh e-påastine: lohkanguovddas@samiskhs.no