Saemien skuvle-vaajese 1

Daate voestes gærja Saemien skuvle-vaajese-raajrosne.

Gærjah edtjieh smaave vuesiehtimmetjh saemien skuvleaarkebiejjijste vuesiehtidh, guktie learohkh, lohkehtæjjah, internaathbarkijh jïh eejhtegh dejtie dåårjehtalleme. Daesnie aaj tjaaleldahkh jïh artihkelh mah vuesiehtieh dovne konsekveensh staaten skuvlepolitihkeste jïh gæmhpomem evtiedidh skuvle gusnie saemien gïele jïh kultuvre våaroeminie. Daennie gærjesne artihkelh daaroedehtemepolitihken jïh gærkoen dåemiedimmien bïjre jïh mojhtesh Saemien Åålmehjolleskuvleste, Saemien ööhpehtimmieraereste jïh maadthskuvlijste daejnie tjïeltine: Aarborte, Skánit (Skånland), Gáivuotna (Kåfjord), Návuotna (Kvænangen), Áltá (Alta), Muosátsuolu (Måsøy), Guovdageaidnu (Kautokeino), Kárášjohka (Karasjok), Porsáŋgu (Porsanger) jïh Deatnu (Tana).

Gærja aaj digitaalegærjine Nasjonaalegærjagåetesne gååvnese.