Dovdda maid borat!

Girji lea mánáid fágagirji teavsttaiguin, govaiguin, muitalusaiguin ja bargobihtáiguin. Girjji áigumuš lea bajásčuvgehit biepmu ja rumašdearvvašvuođa birra. Vuođđooaidnu lea sámi jurddašanvuogis biepmuid háhkamis, málesteamis ja luonddu láhjiid geavahemis. Luonddugáhtten, ekologalaš biebmu, ealliidsuodjalus ja globála borramušdilli leat fáttát mat girjjis váldojuvvojit ovdan.

Girji váldá ovdan máŋga beali borramuš ja biebmofáttás. Dovdda maid borat lasiha mánáid diđolašvuođa biepmuset birra: Omd. gos biebmu boahtá, ja mo báikkálaš luonddu láhjiid geavahit. Girjjis leat rávvagat mo álkit ráhkadit dearvvaslaš borramuša báikkálaš biebmogálvvuin.

Girji áimmahuššá ja ovddida mánáid sámegiela borramuš- ja biebmosuorggis.

Dádjat!-ráiddus leat ovdal ilbman:

• Vulgot meahccái! (2006)
• Dádjat meahcis! (2009)
• Dovdda čázádagaid! (2013)